ते अमर हुतात्मे झाले इयत्ता तिसरी

 te Amar hutatme zale iyatta tisri ते अमर हुतात्मे झाले!

ते देशासाठी लढले

ते अमर हुतात्मे झाले ! ।। धृ.।।

सोडिले सर्व घरदार

त्यागिला सुखी संसार

ज्योतीसम जीवन जगले

ते देशासाठी लढले ! ।।१।।

तो तुरुंग, ते उपवास

सोसला किती वनवास

कुणि फासावरती चढले

ते देशासाठी लढले ! ।। २।।

झगडली, झुंजली जनता

मग स्वतंत्र झाली 'माता'

हिमशिखरी ध्वज फडफडले

ते देशासाठी लढले ! ।। ३।।

हा राष्ट्रध्वज साक्षीला

करु आपण वंदन याला

जयगीत गाउया अपुले

ते देशासाठी लढले ! ।। ४।।

- वि. म. कुलकर्णी